Chicken lettuce wrap بالعربي

20130610-123117.jpg

الوصفة وايد سهلة :)

تحتاجون:
٤-٥ اكواب صدور دجاج مفرومة بدون جلد
ملعقة طعام صغيرة زيت جوز الهند
بصلة متوسطة الحجم مقصصة شرايح
زنجبيل مبشور فرش
ثوم
كوب كزبر مفروم او اقل اذا ما تحبون طعمه
البهارات: ملح، فلفل اسود، بابريكا، فلفل بودر، و اي نوع بهارات تبون. انا حطيت وياه معبوچ و مسترد! عدد ٢ افوكادو مهروس مع ليمون و ملح و فلفل اسود.

الطريقة:
أول شي تذوبون الدهن بمقلى كبيرة او جدر وايد كبير عشان ما يتزاحم الدياي و يصير لين. و بعدين تقلبون البصل على النار لي لما يصير شفاف و تضيفون الزنجبيل و الثوم و الكزبر، و تقلبونهم، بعدين ضيفوا الدياي و فچچوه عشان ما يلزق ويا بعض بس لا تقلبونه كل دقيقة لأن نبيه يحمر، و بعدين البهارات و اخر شي الفلفل و المسترد قبل لا تشيلونه من النار بخمس دقايق.

اذا تبون نضيفون نكهة زيادة تقدرون تستخدمون انواع فلفل او صلصة الصويا بس يفضل بدون صويا عشان يصير كل شي طبيعي.

قدموا الخلطة مع اوراق الخس و افوكادو مهروس و مسترد زيادة. انا استخدمت مسترد سبايسي

Did you like this? Share it: