يريش الكسالى

20121102-163531.jpg

Sorry I haven’t been able to post anything lately. I’ll try to post more stuff this month.

طبخة اليوم هي يريش الكسالى. ينفع حق اللي يدرسون برة مثلي او اللي يبون شي لذيذ و سريع و يدفي بما ان الشتا على الابواب.

اللي تحتاجونه اهوا التالي:

١- كوب شوفان
٢- عدد اثنين طماط وسط او واحدة بس مع معجون طماط
٣- نصف بصلة كبيرة
٤- ملح و فلفل اسود و لومي بودر حسب الرغبة
٥- ثوم اذا تبون. انا احط نص فص ثوم

الطريقة:
١- بالخلاطة، خلطوا الطمام و البصل و الثوم مع بعض.
٢- سخنوا الجدر و حطوا مقدار ربع ملعقة زيت و فوقه الخلطة و خلوها تطبخ لين يغمج لون الطمام.
٣- ضيفوا الشوفان و قلبوا الطبخة عدل و ضيفوا الملح، و الفلفل الاسود و اللومي
٤- ضيفوا مقدار كوبين ماي و خلوه يطبخ. ما تبون تنطرون وايد حطوا كوب و نص
٥- خلوه يطبخ على نار هادية لي لمى يصير ثقيل بس مو وايد.

اذا عندكم وقت زيادة، اول شي طبخوا البصل بروحه، و بعدين الطماط. عشان تتعزز النكهة

و بالعافية :)

Did you like this? Share it: